વિદેશ અભ્યાસ લોન માટેની પ્રક્રિયા 

વિદેશ અભ્યાસ લોન કેટલી મળે

વિદેશ અભ્યાસ લોન(Loan For Foreign Study) યોજના હેઠળ વિદેશમાં ઉચ્ચ અભ્યાસ માટે કુલ 15 લાખની (પંદર લાખ) મર્યાદામાં 4 % સાદા વ્યાજ પર મળવાપાત્ર થાય છે.

જરૂરી પુરાવા 

• નિયત નમુનાની અરજીપત્રક

• બિન અનામત વર્ગનું પ્રમાણપત્ર

• આધારકાર્ડની નકલ

• આવકનું પ્રમાણપત્ર

• એડમીશન લેટર

• ધોરણ- 12 અને તે પછીના અભ્યાસની માર્કશીટની નકલ

• ધોરણ – 10 અને 12 ની માર્કશીટ

• શાળા છોડ્યાનો દાખલો ( LC )

• પાસપોર્ટની નકલ

• વિઝાની નકલ ( Visa Copy )

• એર ટીકીટ ( Air Ticket )

• દર વર્ષે ભરવાની થતી / ભરેલ ફી(Fees) નો પુરાવો

• અરજદારના બેંક પાસબુકના પ્રથમ પાનાની નકલ

• ગીરોખત / બોજાનોંધ અને 5 બેંક ચેક

• પરિશિષ્ટ-3 મુજબ પિતા/વાલી મિલકત મોર્ગેજ(Property mortgage) કરવાની સંમતિપત્ર

• પરિશિષ્ટ-1 મુજબ જામીનદારની મંજુરી અને Property valuation report અને મિલકતના આધારો.

વિદેશ અભ્યાસ લોનની પાત્રતા

• ધોરણ – 12 પછી MBBS માટે, સ્નાતક તથા ડિપ્લોમા પછી ડીગ્રી મેળવેલ હોય તો પણ માન્ય અભ્યાસક્રમો

• અનુસ્નાતક (Master Course ) તેમજ પોસ્ટ ગ્રેજ્યુએશન ડિપ્લોમા અથવા તેના જેવા નામથી ઓળખતા સમાન અભ્યાસક્રમ માટે

• રિસર્ચ જેવા ટેકનિકલ, પેરામેડિકલ, પ્રોફેશનલ વગેરે જેવા કોઈપણ પ્રકારના વિદેશમાં ઉચ્ચ અભ્યાસ માટે કુલ રૂપિયા 15 લાખની મર્યાદામાં લોન મળવાપાત્ર છે.

• ધોરણ-12 માં 60 ℅  કે તેથી વધુ હોય તેમને આ યોજનાનો લાભ મળે.

• કુટુંબની વાર્ષિક આવક રૂપિયા 600000 (છ લાખ) થી ઓછી હોય એમને મળવાપાત્ર થાય.

વિદેશ અભ્યાસ લોન પરત ચૂકવણી

• રૂપિયા 5.00 લાખ સુધીની કુલ લોનના અભ્યાસક્રમ પૂરો થયાના 1 વર્ષ બાદ 5 વર્ષમાં એક સરખા માસિક હપ્તા ભરવાના રહેશે.

• રૂપિયા 5.00 લાખથી વધુ લોનના કિસ્સામાં અભ્યાસક્રમ પૂરો કર્યાના 1 વર્ષ બાદ 6 વર્ષમાં એક સરખા માસિક હપ્તામાં ચૂકવવાની રહેશે.

• ચૂકવણી કરેલ નાણાંને પ્રથમ નાણાંના વ્યાજ પેટે જમા લેવાનાં રહેશે.

• વિદેશ અભ્યાસ લોન લેનાર વિદ્યાર્થીએ નિર્ધારિત સમય મર્યાદા પહેલા પણ લોનની પરત ચૂકવણી કરી શકશે.

Bin-Anamat Loan માટેનાં દસ્તાવેજો/જામીન

•  આખા અભ્યાસક્રમની લોનની કુલ રકમ રૂપિયા 7.50 લાખ કે તેથી ઓછી રકમના ધિરાણ માટે ધિરાણની રકમથી દોઢ ગણી કિંમતની અરજદાર વિદ્યાર્થીએ પોતાના કે સગા સંબંધીની મિલકત પર બોજાનોંધ કરાવવાની રહેશે.

• દરેક લોન લેનારે નિગમની તરફેણ(નિગમ માટે)માં સહી કરેલા 5(પાંચ) પોસ્ટ ડેટેડ ચેક આપવાના રહેશે.

• સંપૂર્ણ અભ્યાસક્ર્મની લોનની કુલ રકમ રૂપિયા. 7.50 લાખ કરતાં વધારે હોય તો તે કુલ રકમ જેટલી રકમની પોતાના અથવા અન્ય કોઈ સગા-સંબંધીની સ્થાવર મિલ્કત નિગમની તરફેણમાં ગીરો કરવાની રહેશે.